Oppstartmøte på tomta i Saunesmarka
Tussa med nytt forretningsbygg i Ulsteinvik
29.10.2024
Tussa Installasjon har starta arbeidet med å byggje nytt forretningsbygg i Saunesmarka i Ulsteinvik. Bygget skal stå ferdig i desember 2025.
Med det nye bygget ønskjer vi å leggje til rette for vidare vekst og auka aktivitet i området.
- Dei eksisterande lokala våre har vorte for små og er ikkje lenger optimale for verksemda vår, seier Roar Stenersen, adm. direktør i Tussa Installasjon.
Lokale leverandørar
Grunnarbeidet byrja midt i oktober, og er utført av Aurvoll og Furesund. Arbeidet med bygget er det HS Rise Bygg som utfører. Egset Ventilasjon er ansvarleg for luftbehandlingsanlegget og Svein Roppen tek seg av vatn- og sanitæranlegga. Tussa Installasjon vil sjølv handtere dei elektrotekniske anlegga.
- Vi nyttar lokale leverandørar og miljøvennlege løysingar der det er mogleg. Det er viktig for oss å styrke arbeidsplanane og fagmiljøa som finst i regionen, seier Stenersen.
Teikning av nybygget, som skal vere innflyttingsklart til neste jul.
Børre Brandal frå Tussa Installasjon saman med Idar Moldskred frå Conplan, Eivind Berge frå Aurvoll og Furesund og Ronny Nipen frå Rise Bygg
