![Tussa Olav Osvoll web 0464](/imager/images/Aktuelt/255231/Tussa_OlavOsvoll_web-0464_a7c598fe0f786b3b2617e40e0e8d0822.jpg)
Tussa med beste årsresultat nokon sinne
Tussa leverer det beste årsresultatet nokon sinne i 2023, med sterke resultat både innan vasskraft, installasjon og IKT. Det betyr utbyterekord til eigarane på 63,1 mill. kr.
Tussa produserer fornybar energi, byggjer og driftar digital infrastruktur, tilbyr IT-tenester og installasjonstenester. I tillegg har Tussa eigarpostar i kraftnett og straumsal i selskapa Linja og Wattn.
Rekneskapen for Tussakonsernet i 2023 viser samla driftsinntekter på 1 366,1 mill. kr (1 192,6) og eit driftsresultat på 396,2 mill. kr (355,8). Resultat før skatt er 310,4 mill. kr (305,6) og etter skatt er resultatet 173,4 mill. kr (131,8). Tilsvarande tal for 2022 står i parentes.
Godt år for kraftproduksjonen
2023 vart eit særs godt år for vasskraftproduksjonen, med eit driftsresultat på 244 mill. kr. Det er 11 mill. kr høgare enn i 2022. Tilsiget var lågare enn normalt, men dette vart kompensert med at oppnådd pris var høgare enn i 2022. For kraftproduksjonen er skattekostnaden på 66,3 % av resultatet før skatt, noko som er lågare enn i 2022. Bortfall av høgprisavgifta frå 1. oktober 2023 gav redusert skatt i høve til 2022. Tussa betalte totalt 137 mill. kr i skatt i 2023, der grunnrenteskatten utgjer 66, 5 mill. kr.
Auka driftsresultat for installasjon
Tussa er i dag den største elektrotekniske installasjonsverksemda i regionen. Dette forretningsområdet hadde også auke i driftsresultatet i fjor, frå 13, 6 mill. kr i 2022 til 15,8 mill. kr i 2023. Det var høg aktivitet i selskapet, noko som har heldt fram i 2024, og det er gode utsikter framover.
Omsetningsvekst for kommunikasjon og IT
Tussa skal dekkje kundane sine behov for framtidsretta, profesjonelle, miljøvenlege og sikre kommunikasjons- og IT-tenester heile døgnet. IKT-verksemda hadde eit driftsresultat på 33,2 mill. kr i 2023 (41,8), medan resultatet før skatt vart på 20,5 mill. kr (32,1). Det var omsetningsvekst både på internett, TV-produkt og IT-produkt, og det er potensiale for ytterlegare vekst.
Nøkkeltal for Tussakonsernet |
2023 |
2022 |
Driftsinntekter |
1 366,1 mill. kr |
1 192,6 mill. kr |
EBITDA |
587,6 mill. kr |
525,7 mill. kr |
Driftsresultat |
396,2 mill. kr |
355,8 mill. kr |
Resultat før skatt |
310,4 mill. kr |
305,6 mill. kr |
Resultat etter skatt |
173,4 mill. kr |
131,8 mill. kr |
Ordinært utbyte |
63,1 mill. kr |
53,3 mill. kr |
Eigenkapital |
1 783,8 mill. kr |
1 371,4 mill. kr |
Eigenkapitalprosent |
37,1 % |
34,5 % |
Totalkapitalrentabilitet |
11,0 % |
10,5 % |
Årsrapport for 2023
Les årsrapporten for 2023 og andre finansielle rapportar for Tussakonsernet.