Arve Aaning i Stryn Turn saman med Anders Bergset og Ann Kristin Einbu i Tussa, og Kamilla Rake i Stryn Turn. Foto: Thomas Thaule, Fjordingen
Stryn Turn og Tussa inngår samarbeidsavtale
19.08.2024
Stryn Turn og Tussa har inngått ei langsiktig samarbeidsavtale, som vil styrke begge partar sitt engasjement for idrett og aktivitet i lokalsamfunnet.
Det langsiktige samarbeidet bidreg sterkt til at Stryn Turn kan utdanne fleire instruktørar og trenarar, og kjøpe inn nytt utstyr som sikrar kvalitet i det viktige arbeidet vårt for god folkehelse i Nordfjord, seier Arve Aaning i Stryn Turn.
Viktig lokal sponsor
Tussa har støtta Stryn Turn gjennom fleire år, og ser fram til vidare og auka samarbeid med klubben.
- Stryn Turn er ei positiv drivkraft for fellesskap og eit godt oppvekstmiljø i Stryn, noko som går godt saman med Tussa sine visjonar og mål. Vi ønskjer å vere ein lokal og ansvarleg medspelar, som bidreg til å skape aktivitet og trivsel i lokalsamfunna på søre Sunnmøre, Stryn og Stranda, seier Ann Kristin Einbu, kommunikasjonssjef i Tussa.
Stryn Turn
Stryn Turn er ei av største idrettslaga i Sogn og Fjordane, og klubben turnar heilt i toppen når det gjeld engasjement og godt miljø. Stryn Turn har om lag 500 medlemmer, frå dei yngste som er 2 år til dei eldste som jobbar frivillig som instruktørar og trenarar.
- Stryn Turn er glade for samarbeidsavtalen med Tussa og gler seg til ny sesong startar i september, seier Aaning.
Sponsormidlar frå Tussa
Som kunde av Tussa bidreg du til samfunnsutvikling og sponsing av kultur og idrett i regionen. Vi samarbeidar med idrettslag, skisenter, festivalar, kor, korps og ei rekkje andre frivillige organisasjonar, for at bygdene våre skal vere attraktive stader å bu, arbeide og besøkje.
Søk om sponsormidlar
