- Med kjøpet styrkar vi posisjonen vår i regionen, der Tussa si IT-verksemd vil ha ei omsetning på nærare 200 millionar kroner og rundt 80 IT-medarbeidarar. Med PC Support på laget får vi tilgang til nye marknader og viktig kompetanse, som er avgjerande for å levere framtidsretta IT-tenester både til eksisterande kundar og til større og nasjonale kundar, seier Ivar Driveklepp, adm. direktør i Tussa IKT.

Betre tilbod til kundane

PC Support vart etablert i 1988 og har sidan oppstarten levert infrastruktur og driftstenester. Selskapet har 20 medarbeidarar.

- Målet for PC Support er å gjere ein forskjell for kundane våre. Vi skal bidra til trygge og effektive IT-verktøy for bedriftene rundt oss. Slik som utviklinga går, med stadig større krav til både breidde og djupne i fagmiljøa, så er vi sikre på at avtalen med Tussa IKT er til det beste for både kundane og medarbeidarane våre. Vi skaper eit enda meir robust og kompetent fagmiljø i regionen, og er trygge på at dette vil bidra til vekst og konkurranseevne. Eit større miljø gir tilgang til dei mest spennande prosjekta og dei største kontraktane, seier Ståle Welle, dagleg leiar i PC Support.

Satsar i Sykkylven

Tussa IKT er totalleverandør av IT-tenester, og leverer IT-løysingar basert på nettskya Microsoft Azure og eige datasenter. Selskapet har eit særleg fokus på IT-sikkerheit. I tillegg er Tussa IKT utbyggjar og leverandør av fiber, og har to fiberføringar til Sykkylven kommune. Det gir ein robust og sikker infrastruktur både for kontoret i Sykkylven og for kundane i området.

- Saman med PC Support kan vi byggje vidare på eit allereie sterkt fagmiljø, og vi styrkar kapasiteten på viktige satsingsområde. PC Support er ein veletablert IT-leverandør med høg kundetilfredsheit. Vi ser det som strategisk viktig å satse på lokasjonen i Sykkylven, både for å sikre vekst i regionen og for å gi tryggleik til kundane og medarbeidarane, seier Driveklepp.