I alle TV-abonnementa våre får du med Telia Play-appen, og kan få med deg TV-augneblinka anten du er heime, på hytta eller på farta. Du får tilgang til alle TV- og strøymekanalane dine via Apple TV, PC/Mac, nettbrett og mobil. Uansett om du skal til Trandal, Tjøme, Torino eller på telttur kan det vere godt å slappe av med godt innhald mellom opplevingane.

Har du tilgang til internett?

For å sjå TV via appen treng du ei stabil internett-tilkopling. Dersom du ikkje har trådlaust nett der du oppheld deg, må du ty til 4G eller 5G. Då bør du hugse på at video brukar mykje data, og du bør passe på at du ikkje går tom for data, eller får store ekstrakostnader på mobilrekninga. Du kan følgje med på databruken i appen til mobiloperatøren din, og kjøpe ekstra datapakkar dersom du treng det.

Last ned på førehand

Finn du ein film du vil sjå på flyet? Det kan løne seg å førebu ferieunderhaldninga før avreise. Å streame film krev mykje data, og dersom du er ein stad med dårleg mobildekning, eller har eit telefonabonnement der datapakken raskt blir oppbrukt, kan det både bli dyrt og irriterande. I Telia Play-appen kan du laste ned filmar på førehand, slik at du kan sjå det du vil, der du vil, uavhengig av dekning og datapakke.

Du lastar ned ein film du har søkt opp ved å trykkje på nedlastingsikonet til høgre for Play-knappen. Nedlastingane dine finn du alltid på menylinja i botnen av appen.

Tips: Trykkjer du på tannhjulet oppe til høgre, kan du stille inn innstillingar for avspeling og nedlasting. Du kan velje sjølv om du vil blokkere appen frå å strøyme på mobildata, og bestemme videokvaliteten for streaming og nedlasting. Eit råd når du er på reisefot er å skru ned videokvaliteten på strøyming, og skru opp videokvaliteten på nedlastingar.

Tryggast mogleg surfing på ferietur

Nokre gongar kan gratis WiFi bli frykteleg dyrt. Mange senkar skuldrane litt ekstra i ferien, og sjølv om einingane vi brukar blir betre og betre sikra (kanskje har bedrifta du jobbar for tenesta Trygg Klient frå Tussa?), er det framleis ein risiko for å bli utsett for cyberangrep på hotellnett og flyplassar. Sommaren er høgsesong for digital kriminalitet, ettersom mange bedrifter er lågt bemanna. Det er heldigvis nokre grep du kan gjere for å gjere risikoen for å bli hacka litt mindre når du er på ferie:

• Gå gjennom passorda dine, og sikre at du har ansvarlege passord – helst med totrinnspålogging. Du kan lese meir om viktigheita av gode passord her.
• Syt for at både mobil og PC er oppdaterte. Det kan vere freistande å utsetje det når telefonen eller datamaskinen ber om oppdateringar, men oppdateringar inneheld ofte viktige sikkerheitsoppdateringar.
• Sjekk om arbeidsgjevaren din har eigne retningslinjer for internettbruk på ferie.