IT-cruise i Hjørundfjorden
04.07.2024
4. september gjentek Tussa IKT og Nordea suksessen og inviterer til IT-cruise. Denne gongen går turen inn i Hjørundfjorden, der historia til Tussa starta for 75 år sidan.
Det er ei glede å invitere deg til dagscruise med Tussa IKT, Nordea og NTT Security på Havila Castor 4. september!
Denne dagen dykkar vi ned i dei store megatrendane innan teknologi: kunstig intelligens, digitalisering, sikkerheit og berekraft. Opplev det beste av både teknologi og natur – med fantastiske Hjørundfjorden som kulisser. Det blir god tid til å nyte utsikta og den gode samtalen, og til middag får vi servert eit utsøkt måltid frå Restaurant Havrand.
Dette vil du ikkje gå glipp av, så meld deg på i dag – det er eit avgrensa tal plassar!
Thina Saltvedt: Sirkulærøkonomi og IT – kvifor, kva og korleis?
Ressursbruken vår er ikkje berekraftig, heller ikkje når det gjeld IT. Thina Margrethe Saltvedt, Lead ESG Expert i Nordea, delar sine tankar om sirkulærøkonomi med eit spesielt fokus på IT, og kvifor dette er viktig for bedrifta di.
Torgeir Waterhouse: Megatrendar innan IT, digitalisering og berekraft
Torgeir reflekterer rundt spennet mellom buzzord, politikk, hypen frå Arendal og teknologi i møte med samfunnet. Han har jobba med IT og IT-politikk i Forbrukarrådet og IKT-Norge i over 20 år.
Anders Karde: Kunstig intelligens som superkraft
Etterkvart som AI blir utvida fra analytisk AI til generativ AI, dukkar det opp eit nytt sett med moglegheiter som vil kunne gjere både produktiviteten og effektiviteten langt smartare for bedrifter. Anders Karde, Head of Data, Digital Sales & Engagement i Nordea, vil dele sine erfaringar.
Joel Cedersjö: Konsekvensane av å ikkje vere budd på cyberangrep
Dei fleste angrepsforsøk skjer medan vi søv. For å oppdage og avverge sikkerheitshendingar må du overvake IT-ressursane dine kontinuerleg. Joel Cedersjö i NTT Security viser oss viktigheita av ein effektiv sikkerheitsstrategi. Vi får eit unikt innblikk i kva som skjer i kulissene når ein vert angripen, og vår utsendte korrespondent sender live frå sikkerheitssenteret til NTT Security i Göteborg, der analytikarane har auge på skjermen heile døgnet.
Tussa IKT, twoday og Wattn: Samarbeid som skaper verdi
Wattn er eit framtidsretta straumselskap som skaper konkurransefortrinn gjennom digitale tenester. Skya opnar uante moglegheiter for å skape varige konkurransefortrinn, men det er avhengig av at vi byggjer løysingar som er sikre, skalerbare og kostnadseffektive. Saman med Wattn delar Tussa IKT og twoday erfaringar frå eit tett samarbeid mellom utviklar og infrastruktur.
Prisen for konferanse, cruise, lunsj og middag er 2 990 eks.mva. Oppmøte er på Skansekaia i Ålesund kl. 09:45, og retur same stad kl. 18:00.
Sjå høgdepunkta frå i fjor
I fjor segla Tussa og Nordea sitt første IT-cruise frå Skansekaia med kurs for Geirangerfjorden.
