I haust har Tussa sett full trøkk på installering av nytt fiberutstyr til kundane i Stryn, med 100 installasjonar kvar veke. Tussa nyttar den nyaste teknologien (XGS-PON) som gir opptil ti gonger større kapasitet til kvar kunde. Dette betyr at kundane i Stryn får ei moderne og framtidsretta løysing utan behov for omfattande gravearbeid.

Gratis internett i 1 år

Denne veka nådde Tussa nok ein milepæl med 1000 oppkopla fiberkundar i Stryn. Vi tok turen til familien Kveen Gjørven for å overraske dei med kake, gåver og eit år gratis internett, medan montør Kjell-Martin Midtkandal installerte det nye fiberutstyret.

Lokalt nærvær og kundesenter

Tussa har etablert seg som ein lokal leverandør i Stryn med to kontor i sentrum. Dette gir kundane enkel tilgang til hjelp og støtte. Tussa har også ei lokal breibandspatrulje som kan hjelpe kundane heime, noko som sikrar rask og effektiv problemløysing.