På Berte Kanutte-bygget er det montert opp 570 panel. Prognosane i forprosjektet var ein produksjon på om lag 100 000 kWh i året. Det har blitt produsert mellom 120 000 og 135 000 kWh.

- Det er vi svært godt fornøgde med. Eg kallar dette ei gladsak for Høgskulen og Statsbygg. Panela har produsert meir enn anslått, og det har vore stabil drift av anlegget, utan feil og manglar, seier Frank Lande, driftsleiar i Statsbygg.

Energieffektivisering viktig

For Statsbygg er energieffektivisering noko dei jobbar med kvar dag, både i eksisterande bygningsmasse og ved nybygg. Også på Sivert Aarflot-bygget, mediebygget ved Høgskulen i Volda, er solceller ein del av leveransen frå Tussa Installasjon.